Prezident İlham Əliyev Azad Sevindik oğlu Novruzovun Naxçıvan Müəllimlər İnstitutunun rektoru vəzifəsindən azad edilməsi haqqında Sərəncam imzalayıb.
Bununla bağlı President.az məlumat yayıb.
Azad Sevindik oğlu Novruzov 1965-ci il 01 iyun tarixdə Naxçıvan Muxtar Respublikası Şahbuz rayonunun Aşağı Qışlaq kəndində anadan olub.
1982-1989 cu illərdə Yusif Məmmədəliyev adına Naxçıvan Dövlət Pedaqoji İnstitutunun Fizika-Riyaziyyat fakultəsində təhsil alıb.
1983-1985-ci illərdə hərbi xidmətdə olub.
1989-cu ildən etibarən ixtisası üzrə əmək fəaliyyətinə başlamışdır. 1995-ci ildən 2018 –ci ilədək Naxçıvan Dövlət Universitetinin Riyaziyyat kafedrasında baş laborant, müəllim, baş müəllim, dosent vəzifələrində çalışmışdır.
2004-2018-ci illərdə Naxcıvan Müəllimlər İnstitutunun Pedaqoji fakultəsinin dekanı vəzifəsində çalışmışdır.
2000-ci ildə Azərbaycan Dövlət Pedaqoji Universitetində “Ali pedaqoji məktəblərin “Riyazi analiz” kursu ilə orta məktəbin “Cəbr və analizinin başlanğıcı” kursu arasında qarşılıqlı əlaqənin elmi-metodiki əsasları” mövzusunda-13.00.02 fəlsəfə doktorluq dissertasiyası müdafiə etmişdir.
2006-cı ildə Azərbaycan Respublikası Prezidenti yanında Ali Attestasitasiya Komissiyasından riyaziyyat və informatika kafedrası üzrə dosentlik elmi adı almışdır.
2015-ci ildə Naxçıvan Muxtar Respublikasının “Əməkdar müəllim”i fəxri adına layiq görülmüşdür.
56 elmi məqalə, tezis,proqram və metodik vəsaitin müəllifidir.
