Demək olar ki, bu gün elektronlaşma hər prosesə tətbiq olunur. Buna Dövlət İmtahan Mərkəzinin keçirdiyi bir sıra imtahanlar da daxildir.
Yaxın günlərdə isə DİM-in sədri Məleykə Abbaszadə jurnalistlərə açıqlamasında bildirdi ki, növbəti illərdə rus bölməsi üçün Azərbaycan dili imtahanının da rəqəmsal formada keçirilməsi nəzərdə tutulur.
Mövzu ilə bağlı Bizim.Media-ya açıqlama verən təhsil eksperti Elçin Əfəndi mövzuya münasibət bildirib.
O, deyir ki, elektron imtahanlar üçün tam şərait yaradıldıqdan sonra həm magistratura, həm buraxılış, blok imtahanlarını elektron formada keçirmək mümkün olacaq.
“Bəli, artıq nəzərdə tutulub ki, digər bölmələrdə təhsil alan şagirdlər üçün Azərbaycan dili imtahanı Dövlət İmtahan Mərkəzinin elektron imtahanlarının keçiriləcəyi inzibati binada keçirilsin. Çünki burada həm də kütləvilik azdır. Yəni, buradakı şagird sayı buraxılış və blok imtahanındakılar qədər deyil. Ona görə də DİM-in hələki bu imtahanları keçirmə imkanı var”.
Elçin Əfəndi elektron imtahanın müsbət tərəflərindən bəhs edib.
“Bu imtahanın üstünlüyü odur ki, cavablar daha tez elan olunur. 3-4 həftəyə ehtiyac qalmır, imtahan başa çatdıqdan dərhal sonra namizədlər öz nəticələrini görə bilirlər.
Qarşıdakı dövr ərzində DİM Elm və Təhsil Nazirliyi ilə paralel olaraq digər elektronlaşmanın olduğu təhsil müəssisələrində də kütləvi imtahanları keçirməyə başlayacaq. Ondan sonra həm blok, həm də buraxılış imtahanları elektron qaydada keçiriləcək”.
Azərbaycan dili
Русский
Deutsch
English
Türkçe
Français