Puerto-rikolu WBA Gold ağır çəkili kəmər sahibi Pol Bamba titul qazandıqdan bir həftə sonra vəfat edib.
"Ölkə.az" Lent.az-a istinadla xəbər verir ki, faciəli xəbəri onun meneceri, müğənni və prodüseri Ne-Yo açıqlayıb. 35 yaşlı idmançının ölüm səbəbləri hələlik açıqlanmayıb.
Bamba boks karyerasına 2021-ci ildə başlayıb və bu il mühüm uğur qazanıb. 2024-cü ildə Puerto-rikolu 14 döyüş keçirib və hər birində qalib gəlib. Dekabrın 21-də keçirilən son döyüşündə Bamba meksikalı Rogelio Medina Lunaya altıncı raundda texniki nokautla qalib gələrək WBA Gold titulunu qazanıb.
Ümumilikdə, peşəkar karyerası ərzində Bamba 22 döyüş keçirib, 19 qələbə qazanıb, onlardan 18-də nokautla, üç döyüşdə biri erkən olmaqla, məğlubiyyətlə üzləşib.
Bamba həm də keçmiş ABŞ dəniz piyadası idi və boks və fitnes təlimləri şirkətinə rəhbərlik edirdi.
