Futbol üzrə Avstriya yığması yoldaşlıq görüşündə Slovakiya yığmasına 2:0 hesabı ilə qalib gəlib.
"Ölkə.az" xəbər verir ki, görüş Bratislavada (Slovakiya) baş tutub.
Qaliblərin qollarını Kristof Baumqartner 1-ci dəqiqədə və Andreas Veymann 83-cü dəqiqədə vurub.
Matçın altıncı saniyəsində Baumqartner fərqlənib. Bu, milli komandaların oyunlarında rekord göstərici olub. Bundan əvvəlki rekord 2013-cü il mayın 29-da Ekvadorla yoldaşlıq oyununda yeddinci saniyədə qol vuran almaniyalı hücumçu Lukas Podolskiyə məxsus idi.
