Amerikalı məşhur şahmatçı Hikaru Nakamura Bakıda qaldığı hoteldə su tapmadığına görə şikayətlənib.
O, bu barədə tvitter hesabında paylaşım edib.
Şahmatçıların reytinq sıralamasında ikinci olan qrossmeyster Bakıda hoteldə su olmadığını bildirib:“Artıq dünya kuboku üçün Bakıdayam. Amma qaldığım otelin hamamında su gəlmir. Yaxşı bir başlanğıcdır”.
"Azərsu" ASC-nin mətbuat xidmətindən məsələ ilə bağlı açıqlamasında isə bildirilib ki, "Baku Marriott Boulevard" hotelin yerləşdiyi ərazidə "Azərsu" ASC-nin şəbəkə xətlərində hər hansı problem yoxdur.
Qeyd edək ki, Amerikalı məşhur şahmatçı Hikaru Nakamura "Baku Marriott Boulevard" hotelində qonaqlanıb. Bakıda keçirilən dünya kuboku avqustun 24-nə qədər davam edəcək.
