"Fransa prezidenti Emmanuel Makron bu həftə bəzi Avropa ölkələrinin Rusiyanın oradakı işğalçılıq müharibəsində qalib gəlməsinin qarşısını almaq üçün yenidən Ukraynaya qoşun göndərə biləcəyi təklifi ilə digər Avropa liderlərini təəccübləndirib. Makron ciddi olsaydı, o, Avropa qoşunlarının Ukraynaya köçürülməsi ssenariləri haqqında daha aydın olmağı seçər və ola bilsin ki, Fransanın konkret rolunu qeyd edərdi. Hazırda konkret bir plan yoxdur".
Bunu Ölkə.Az-a politoloq Rüstəm Tağızadə deyib.
"Ukraynanın iqtisadi cəhətdən yenidən qurulması və ya Ukrayna və Avropa müdafiə şirkətlərinin birgə istehsal sahələri gələcəkdə Avropa qoşunlarının onların təhlükəsizliyini təmin etməsini tələb edə bilər. Eyni şəkildə, hazırda Aİ torpaqlarında yerləşən Ukrayna üçün Avropa Birliyinin hərbi təlim missiyası da Ukrayna ərazisinə köçürülə bilər. Ancaq indiyə qədər bu addımlar pərdə arxasında inandırılmalı və ya nümunə götürən Fransa kimi bir ölkə tərəfindən hərəkətə keçməli olan Avropa liderləri tərəfindən geniş şəkildə rədd edildi. Bu məqsədlə ictimai qınaq və Makron tipli tribunaların heç bir faydası olmayacaq. ABŞ-də keçirilən Prezident seçkilərindən maksimum faydalanmaq cəhdi Fransanı siyasi avantüraya aparır", - ekspert bildirib.
Onun fikrincə, Makron Cənubi Qafqazla yanaşı olaraq Şərqi Avropada da söz sahibi olmaq istəyir.
"Bundan başqa, Emmanuel Makron istəyir ki, Afrikada olan uğursuzluqlarını Şərqi Avropada kompensasiya etsin. Təbii ki, bu göründüyü qədər o qədər də asan məsələ deyil. Fransa prezidenti düşünür ki, Fransa xalqı könüllü olaraq Ukraynaya döyüş üçün gedəcəkdi. Bu belə deyil, düzdür, muzdlu döyüşlər var, ancaq xalq tamamilə başqa dövlətlər arasında olan müharibəyə könüllü olaraq getmək fikrində deyil. Son zamanlar Makron istəyir ki, Baltikyanı ölkələrini öz yanına çəksin. Amma bu məqamda onun maraqları anqlo-sakson ölkəsinin geosiyasi baxışları ilə toqquşur ki, bu da Böyük Britaniya maraqlarına ziddir".
Politoloqun sözlərinə görə, Avropa İttifaqında aparıcı rol oynamaq istəyən Fransanın hazırda Ukraynada Rusiya ilə müharibə etməsi real görsənmir: "Bunun üçün həm də Fransanın iqtisadi və siyasi resursları da o qədər də güclü deyildir. Hazırda Fransa silah ixracında Rusiyanı qabaqlasa da, bu proses onu əks etdirmir ki, Fransa Rusiya ilə açıq şəkildə müharibəyə getsin. Buna baxmayaraq NATO-nun Ukraynaya hərbi yardımları davam edəcək.
NATO Baş katibi Stoltenberqin Bakıya səfərinin məhz Cənubi Qafqazdakı son siyasi vəziyyətlə əlaqəsi var. Azərbaycan NATO-nun mühüm ölkəsi olan Türkiyə ilə hərbi əməkdaşlığı davam etdirir, təlimlərdə iştirak edir. Ordu quruculuğumuz hazırda NATO standartlarına uyğun aparılır. Bu səfər Azərbaycan və NATO arasında olan hərbi əməkdaşlığı gücləndirəcək".
