Azərbaycan əsilli rejissorun filmi “Kann”ın baş mükafatını qazandı

78-ci “Kann” kinofestivalında “Qızıl palma budağı” iranlı rejissor Cəfər Pənahinin “Sadə təsadüf” filminə layiq görülüb.

MillətinSəsi.info xəbər verir ki, bu barədə kinofestivalın bağlanış mərasimində məlumat verilib.

“Kann” Film Festivalının ikinci ən mühüm mükafatı olan Qran Pri danimarkalı rejissor Yoahim Trierin “Sentimental dəyər” filminə verilib.

Ən yaxşı rejissor mükafatı “Gizli agent” filminə görə braziliyalı rejissor Kleber Mendonça Filyoya verilib. Ən yaxşı ssenariyə görə mükafat Fransa-Belçika filminə görə Jan-Pyer Darden və Lük Dardennə “Gənc analar” filminə görə verilib.

Ən yaxşı aktyor braziliyalı Vaqner Moura “Gizli agent” filmində baş rolda oynadığı Filhoya görə seçilib. “Ən yaxşı qadın rolu” nominasiyasında mükafat rejissor Afsia Yerzinin çəkdiyi “Kiçik bacı” filminə görə aktrisa Nadia Mellitiyə verilib.

Qeyd edək ki, 2025-ci ildə “Kann” Film Festivalının əsas müsabiqəsində ümumilikdə 22 film iştirak edib.
Cəfər Pənahi1960-cı ildə Şərqi Azərbaycanın Miyane şəhərində anadan olub. “Sadə təsadüf” əsəri qurbanlarla cəlladlar arasındakı münasibətdən bəhs edir. İranlı kinorejissorun özü bir neçə ildir ki, ölkəsinin hakimiyyət orqanları tərəfindən təqib olunur.