Özbəkistanın paytaxtı Daşkənddə Beynəlxalq Türk Dövlətləri Universiteti yaradılacaq.
MillətinSəsi.info Özbəkistan KİV-ə istinadla xəbər verir ki, bu barədə Özbəkistan Prezidenti sərəncam imzalayıb.
Yeni universitet Daşkənddə qeyri-dövlət təhsil müəssisəsi kimi fəaliyyət göstərəcək.
Onun əsas fəaliyyət istiqamətləri mühəndislik, tikinti, logistika, informasiya texnologiyaları və proqramlaşdırma, səhiyyə, kənd təsərrüfatı, qida sənayesi, iqtisadiyyat kimi sahələri əhatə edəcək.
Yeni universitətdə beynəlxalq standartlara uyğun ali təhsilli kadrlar hazırlanacq.
2025/2026-cı tədris ilindən etibarən universitetdə tədris prosesi təhsil sahəsində beynəlxalq səviyyədə tanınmış müəssisələrin reytinqində ilk 1000-liyə daxil olan Türkiyənin ali təhsil müəssisələrinin təhsil proqramları əsasında təşkil olunacaq.
Universitetdə xarici, o cümlədən Türkiyənin aparıcı ali təhsil müəssisələri ilə birgə təhsil proqramları həyata keçiriləcək, habelə birgə təhsil proqramları əsasında elmi tədqiqatlar aparılacaq.
Universitetdə tələbələrin təhsili ödənişli müqavilə əsasında həyata keçiriləcək, qəbul parametrləri və ödənişli müqavilənin məbləği universitet tərəfindən müəyyən ediləcək.
Ali təhsil müəssisəsinin fəaliyyətinin təşkili və əlaqələndirilməsi üçün idarəetmə şurası yaradılacaq.
