Çin hakimiyyəti ölkənin ən böyüyü olan Taklamakan səhrası ətrafında müxtəlif ağac növlərindən ibarət meşə qurşağı olan "Yaşıl kəmər"in inkişafının başa çatdığını elan edib.
Ölkə.az Qaynarinfo-ya istinadən xəbər verir ki, Sincan-Uyğur Muxtar Bölgəsində (XUAR) yerləşən, dünyanın ikinci ən böyük dəyişkən qum səhrası olan Taklamakan çox vaxt "Ölüm dənizi" adlandırılan ən təhlükəli səhralardan biridir. Onun qum sahəsi 300 min kvadkilometrə çatır, təxminən Almaniya ərazisinə bərabərdir. Ətrafındakı süni meşə zolağının uzunluğu 3 min km-dir. Onun yaradılması 46 il çəkib və prosesə 600 minə yaxın insan cəlb olunub.
Ümumilikdə 30 milyon hektardan çox sahədə ağac və kol bitkiləri əkilib. Landşaft tərtibatçıları şoran səhra torpaqlarında yaxşı bitən saksovul, qırmızıağac və Zaqafqaziya qovaqlarından istifadə edərək küləklərdən və eroziyadan qoruyan divar yaradıblar.
Bu layihə sayəsində 1949-cu ildə təqribən 10% olduğu halda, hazırda SUAR-da meşələrlə əhatə olunmuş ərazi 25% təşkil edir. Bundan sonra "Yaşıl kəmər"ineninin artırılması, səhraya bitişik ərazilərdə su sahələrinin genişləndirilməsi, əkin sahələrinin və bağların mühafizəsi üçün əlavə meşə zolaqlarının salınması nəzərdə tutulur. Bu arada, indi Çin ərazisinin 26,8%-i hələ də səhra kimi təsnif edilir. Son on ildə onların sahəsi cəmi 0,4 faiz bəndi azalıb.
