Səhiyyə Nazirliyi 256 min ədəd “Hexa” vaksini alır

 05-07-2024

Səhiyyə Nazirliyinin tabeliyində fəaliyyət göstərən Səhiyyənin Təminat Mərkəzi 2023-2027-ci illər üzrə uşaqlar arasında yoluxucu xəstəliklərin immunoprofilaktikasına dair “Hexa vaccine” (6 valentli) vaksinin satın alınması məqəsədi ilə tender elan edib.

Yeniavaz.com xəbər verir ki, Səhiyyənin Təminat Mərkəzi ümumilkdə 255 min 878 ədəd vaksin almağı nəzərdə tutub.

Tender elanında qeyd olunur ki, 255 min 878 ədəd “Hexa” (6 valentli) vaksininin ehtimal olunan qiyməti 20 milyon 468 min 244 manat 15 qəpik təşkil edir.

Məlumat üçün bildirək ki, “Hexa” (6 valentli) vaksini insanları müxtəlif xəstəliklərdən qorumaq üçün nəzərdə tutulan altı peyvəndin birləşməsindən təşkil olunub.

Bu vaksin difteriya, tetanoz, göyöskürək, poliomielit, hemofil B və hepatit B-dən qoruyan uşaq peyvəndinə aiddir. Hazırda dünyanın 90-dan çox ölkəsində istifadə olunur.

Elnur Əli

Bənzər yazılar

0.10409498214722