"Hicran" tamaşasının "Orxan"ı, Əməkdar artist Bəhram Əliyev vəfat edib.
"Ölkə.az" Baku.ws-ə istinadən xəbər verir ki, aktyor bu gün səhər saatlarında dünyasını dəyişib.
Qeyd edək ki, Bəhram Babaxan oğlu Əliyev 1950-ci ildə Neftçala rayonunda anadan olub.
1979-cu ildə Üzeyir Hacıbəyov adına Azərbaycan Dövlət Konservatoriyasını bitirmişdir. Uzun illər Azərbaycan Dövlət Musiqili Komediya Teatrında, Ş. Məmmədova adına Opera studiyasında, Dövlət Xor Kapellasında çalışıb.
1993-cü ildən Azərbaycan Dövlət Akademik Opera və Balet Teatrında işləyib. Tenor səs tembrinə malik yüksəkdərəcəli solist vokalçı olub.
