Rusiya Prezidenti Vladimir Putin Azərbaycanın Moskvadakı keçmiş səfiri Polad Bülbüloğlunu “Aleksandr Nevski” ordeni ilə təltif edib.
"RİA Novosti" agentliyinə istinadən xəbər veririk ki, Rusiya Prezidenti Vladimir Putin bununla bağlı Fərman imzalayıb.
Bildirilib ki, Polad Bülbüloğlu Rusiya və Azərbaycan arasında qarşılıqlı münasibətlərin möhkəmləndirilməsində xidmətlərinə görə sözügedən ordenlə təltif edilib.
Xatırladaq ki, Polad Bülbüloğlu VII Çağırış Milli Məclisin deputatı seçilib. O, ötən həftə Azərbaycanın Rusiyada fövqəladə və səlahiyyətli səfiri vəzifəsindən geri çağırılıb.
