Britaniyalı milyarder Mark O'Hara şirkətinin satışından əldə etdiyi 650 milyon dolları işçiləri ilə bölüşəcək.
"Ölkə.az" xəbər verir ki, bu barədə "Fortune" yazıb.
2002-ci ildə O'Hara özəl məlumat şirkəti "Preqin"i qurub. Şirkət bu yaxınlarda dünyanın ən böyük investisiya şirkətlərindən biri olan "BlackRock" tərəfindən alınıb. Əməliyyat məbləği 3,32 milyard dollar təşkil edib.
Mark və arvadı Lindinin "Preqin"dəki payı 80% idi. Müqavilə imzalandıqdan sonra O'Hara təxminən 2,6 milyard dollar alacaq ki, bu da onlara Böyük Britaniyanın ən zəngin 100 adamı sırasına daxil olmağa imkan verəcək. Şirkətin satışından əldə edilən gəlirin qalan 20%-i (650 milyon dollar) "Preqin" rəhbərliyi və işçiləri arasında bölünəcək.
O'Hara özü "BlackRock"a vitse-prezident kimi qatılacaq.(Qaynarinfo)
