Adamyeyən fantaziyasının bir hissəsi olaraq 10 yaşlı qızı öldürən kişi doğum günündə öldürücü iynə vurularaq öldürülüb.
Ölkə.az lent.az-a istinadən xəbər verir ki, Kevin Reya Andervudun edamı bu il ABŞ-da sonuncu edam olub, o, dekabrın 19-da Oklahoma ştatının cəzaçəkmə müəssisəsində ölmüş elan edilib.
2006-cı ildə Ceymi Rouz Bolinin vəhşicəsinə öldürülməsini etiraf edən Andervud, saat 10:04-də orqanizminə üç dərman yeridildiyi anda anasına, ailəsinə və müdafiə komandasına baxıb.
Nəfəsi kəsilib və bir neçə dəqiqədən sonra gözlərini yumub. Ştanın Cəza departamentinin sözçüsü Lans Vest bildirib ki, Andervud saat 10:14-də ölüb.
Elə həmin gün Andervudun 45 yaşı tamam olub.
“Ad günümdə və Milad bayramına altı gün qalmış məni edam etmək qərarı ailəmə qarşı əsassız qəddarlıq idi. Ancaq etdiyim işdən çox peşmanam və kaş ki, hər şeyi geri ala biləydim", - o deyib.
Ölüm kanerasında olarkən, Andervud Ceymi ailəsindən və ailəsindən "etdiyi bütün dəhşətli işlərə görə" üzr istəyib.
Andervud Ceymini Oklahoma ştatının Percell şəhərindəki mənzilinə aldadıb və kəsici taxtadan istifadə edərək onun başına vurub, boğub, cinsi təcavüz edib və az qala hamamda başını kəsib. Sonra onu yemək planlarından vaz çəkib.
Polis nəzarət-buraxılış məntəqəsində Andervuddan şübhələnib, onun evində axtarış aparıb və Ceyminin plastik torbaya bükülmüş çılpaq cəsədini şkafda tapıb.
"Mən qurbanın ailəsindən, öz ailəmdən və bu otaqda mənim etdiklərimin dəhşətli təfərrüatlarını eşitməli olan hər kəsdən üzr istəmək istədim", - Andervud keçən həftə dinləmə zamanı deyib.
Keçmiş ərzaq mağazası işçisinin vəkilləri onun psixi və digər xəstəliklər, o cümlədən şizotipal şəxsiyyət pozğunluğu, bipolyar və panik pozğunluq, autizm, travma sonrası stress pozğunluğu və çoxsaylı deviant cinsi parafiliyalar səbəbindən ölüm cəzasından xilas olmasını xahiş ediblər. Prokurorlar ruhi xəstəliklərin uşaqlara zərər verməyə haqq qazandırmadığını iddia ediblər.
Dekabrın 19-da ABŞ Ali Məhkəməsi Andervudun edamın icrasının dayandırılması ilə bağlı son dəqiqə tələbini rədd edib.
Andervud bu il ölkədə edam edilən 25-ci məhbus olub.
