Vüqar Kərəmovun növbəti döyüşünün vaxtı bəlli oldu

Azərbaycanın MMA döyüşçüsü Vüqar Kərəmov "Rizin" turnirində növbəti döyüşünü keçirəcək.

MillətinSəsi.İnfo xəbər verir ki, "Qəbələ" İdman Klubunun üzvü Yaponiya təmsilçisi Syuya Kimura ilə qarşılaşacaq.

Döyüş iyunun 14-də Yaponiyanın Sapporo şəhərində baş tutacaq.

Təmsilçimiz qalib gələcəyi təqdirdə kəmər uğrunda döyüşmək hüququ qazanacaq.

Qeyd edək ki, Kərəmov "Rizin" çərçivəsində keçirdiyi 9 döyüşün 6-da qələbə qazanıb.

İdmançımızın ümumilikdə aktivində 26 qarşılaşmada 20 qalibiyyət var.