Britaniyalı aktyor və rejissor Entoni Hopkins ilk dəfə xatirə kitabı yazıb.
Milletinsesi.info xəbər verir ki, o bu barədə "Instagram"da məlumat yayıb.
Oskar mükafatı qazanmış 87 yaşlı aktyor avtobioqrafiyasını "Biz bacardıq, oğlan" ("We Did OK, Kid") adlandırıb.
Məlumatlara görə, kitab onun şəxsi həyatının ən acı məqamları, ailə uğursuzluqları və özünü travmalardan qorumaq üçün insanlardan uzaq durmaq istəyi haqqındadır.
"Bu mənim xoşuma gəlir və düşünürəm ki, sizin də xoşunuza gələcək. Oxuyun", - deyə Hopkins videoda bildirib.
Məlumata görə, "Summit Books" nəşriyyatı kitabın təqdimatını noyabrın 4-nə planlaşdırır.
Qeyd edək ki, Hopkins ən çox "Quzuların səssizliyi", "Hannibal" və "Qırmızı əjdaha" filmlərindəki adamyeyən doktor hannibal Lektor rolu ilə tanınır.
2000-ci ildən bəri Hopkins ABŞ-də yaşayır və bu ölkənin vətəndaşıdır.
Azərbaycan dili
Русский
Deutsch
English
Türkçe
Français