“Tesla” və “SpaceX”in qurucusu İlon Mask öz “Twitter” hesabında “Üzüklərin hökmdarı: Qüdrət üzükləri” (“The Lord of the Rings: The Rings of Power”) seriyasının qəhrəmanlarını tənqid edib.
Biznesmen serialın, demək olar ki, bütün kişi obrazlarını cahil adlandırıb.
“(Yazıçı Con) Tolkin məzarında çevrilir. Demək olar ki, hər bir kişi xarakteri qorxaq, əclaf və ya hər ikisidir. Yalnız Qaladriel cəsur, ağıllı və şirindir”, - deyə o yazıb.
Almost every male character so far is a coward, a jerk or both. Only Galadriel is brave, smart and nice.
— Elon Musk (@elonmusk) September 5, 2022
Xatırladaq ki, “Üzüklərin hökmdarı: Qüdrət üzükləri”nin premyerası sentyabrın 2-də baş tutub. Layihə “Amazon Prime Video”nun eksklüzivi olub. “Amazon”un qurucusu Ceff Bezos sevgilisi Loren Sançeslə qatılıb.
Watch the Official Trailer for #TheRingsOfPower now. Join us in Middle-earth on September 2.pic.twitter.com/TEXeaa1gVP
— The Lord of the Rings on Prime (@LOTRonPrime) August 23, 2022
Qeyd edək ki, bu il İlon Mask “Forbes”un dünyanın ən varlı adamları siyahısına başçılıq edib: Reytinqdə Ceff Bezosun yerini alan milyarderin sərvəti 68 milyard dollar artaraq 219 milyard dollara çatıb. Siyahının ikinci pilləsinə düşən “Amazon”un qurucusunun varidatı isə 6 milyard dollar azalaraq 171 milyard dollara düşüb.
