HƏMAS lideri Haniyənin oğlundan açıqlama - Atamı belə öldürdülər

Tehranda qətlə yetirilən HƏMAS lideri İsmayıl Haniyənin oğlu Əbdüsselam Həniyə atasının necə öldürüldüyünü açıqlayıb.

Ölkə.Az xəbər verir ki, HƏMAS lideri İsmayıl Haniyənin oğlu Əbdüssəlam Haniyə atasına qarşı törədilən  sui-qəsd hadisəsi ilə bağlı açıqlama verib. 

İdarə olunan  raketlə  atasının qaldığı otağın hədəf alındığını deyən  Əbdüssəlam Haniyə deyib ki, qətl  mobil telefonunu izləməklə həyata keçirilib: "Atam həmin gün  mobil telefonla rəsmi mərasimə  qatıldığından belə bir planın həyata keçirilməsi çətin olmayıb.

Həmin gün atamla mənim dəfələrlə telefon danışığım oldu. O, şəhid olduğu gecə saat 22.15-ə qədər telefonundan aktiv istifadə etdiyini düşünürəm”.

Onun sözlərinə görə, hadisə baş verən zaman mühafizəçilər və digər məsləhətçilər atamın otağından bir neçə metr aralıda olublar. "Əgər otaqda bomba olsaydı, o zaman  dağıntı daha böyük olmalı idi. O baxımdanda otaqda bomba olması ilə bağlı şayiələr tamamilə əsassızdır. Sui-qəsdçilər mobil telefonun siqnallarını izləməklə  idarə olunan raket vasitəsi ilə bu planı həyata keçiriblər”. 

Qeyd edək ki, hadisənin ilk günlərində heç bir açıqlama verməyən İran hakimiyyəti avqustun 4-də Haniyənin öldürülməsi ilə bağlı aparılan araşdırmaların nəticələrini paylaşaraq bildirib ki, sui-qəsd 7 kiloqramlıq döyüş başlığı daşıyan qısa mənzilli raketlə həyata keçirilib. 

ABŞ-ın “New York Times” qəzeti Haniyənin aylar əvvəl qaldığı evə gizli şəkildə qoyulan bombanın partlaması nəticəsində öldüyünü iddia edib.