Qazaxıstanın ən zəngin qadınlarından Aydan Suleymenova Rusiya vətəndaşlığından imtina etmək qərarına gəlib.
"Ölkə.az" xəbər verir ki, bu barədə “Tengrinews.kz” məlumat yayıb.
Rusiya Prezidenti Vladimir Putin artıq Süleymanovanın Rusiya pasportundan imtina ərizəsini təmin edən sənədi imzalayıb.
Aydan Süleymenova Qazaxıstan Xarici İşlər Nazirliyinin ilk rəhbəri Tuleutay Suleymenovun qızı və ən zəngin qazax iş adamlarından biri Daniyar Abulqazinin həyat yoldaşıdır. “Forbes”in məlumatına görə, Süleymenova 4,3 milyard tenge (8,9 milyon dollar) gəlirlə Qazaxıstandakı kirayəçilər reytinqində səkkizinci yeri tutur. O, “ADD Invest Properties” şirkətinin sahibidir, onun vasitəsilə Kulibayevlər ilə birlikdə Qazaxıstanda bir sıra iri ticarət mərkəzlərini idarə edir.(axar.az)
