"Allah tutulan bütün orucları qəbul etsin. Restoranlarda gördüm ki, günorta saatlarında 9-10 manata yalvarıb satdıqları biznes lançın yanına 2 ədəd xurma, bir stəkan da su qoyublar və adını da iftar süfrəsi qoyublar. Qiymətləri də 25-55 manat arasında qaldırıblar".
"Ölkə.az" xəbər verir ki, bu sözləri aktyor Elcan Rəsulov sosial şəbəkədə paylaşdığı videoda deyib. O, restoranlardakı iftar menyusunun qiymətinin artırılmasına etiraz edib:
"İnsanlar oruc tuturlar və biri-birinə iftar süfrəsi açırlar ki, savab qazansınlar. Amma restoranlar da özləri üçün "kassa savabı" edirlər. Bir az belə məsələlərdə diqqətli olmaq lazımdır. Hər şeydən külli miqdarda pul qazanmaq olmaz. Nəyi kütləvi görürük, onun da qiyməti beş dəfə qalxır, belə olmaz!".
