Televiziyada yayımlanan ictimai-sosial verilişlərdən birinin canlı efirində yenidən gərgin anlar yaşanıb.
Bizim.media xəbər verir ki, üzləşdiyi problem səbəbi ilə sözügedən proqrama pənah gətirən Zəminə adlı xanım verilişdə ekspert qismində iştirak edən şair Anar Vəziroğlu mübahisə edib.
Vəziroğlunun sözlərindən hiddətlənən Zəminə masanın üzərindəki su şüşəsini ona tərəf tullayıb.
Daha sonra şair əlinə su şüşəsini alaraq qadının üzərinə doğru gedib. Tərəfləri mühafizəçi ayırıb. O, ekspertə qadının üzərinə su atmağa imkan verməyib.
Qeyd edək ki, aylar əvvəl proqramda oxşar hal Anar Vəziroğlu və vəkil Şəfiqə Nağıyeva arasında yaşanıb. Onlar bir-birinin üzərinə su atıblar. Bundan sonra ikili söz savaşına çıxıb.
