Alimlər genetik testlərdən istifadə ilə Qərbi Avstraliyadakı böyük bir sualtı çəmənliyin əslində bir bitki olduğunu müəyyənləşdiriblər.
Onun azı 4500 il ərzində bir toxumdan yayıldığı güman edilir.
Qərbi Avstraliya Universitetinin tədqiqatçıları dəniz yosununun təxminən 200 kvadratkilometr ərazini əhatə etdiyini açıqlayıblar.
Avstraliya sahillərində tez-tez rast gəlinən növlərin genetik müxtəlifliyini anlamaq üçün yola çıxan komanda Şark Bey körfəzindəki kəşflə qarşılaşıb.
Tədqiqatçılar körfəz boyunca tumurcuqları toplayıblar və hər bir nümunədən “barmaq izi” yaratmaq üçün 18 000 DNT markerini araşdırıblar.
Çəmənliyin neçə bitkidən ibarət olduğunu kəşf etməyi hədəfləyən qrup orada yalnız bir bitki olduğunu müəyyənləşdirib.
200 kv.km-dən çox əraziyə yayılan bitki Manhetten adasından üç dəfə böyük, təxminən 20 min futbol sahəsi boydadır.
Mənbə: The Guardian
