“Bu gün yeni tikililərlə bağlı ən böyük problemlərdən biri də mənzilin sahəsinin fərqli göstərilməsidir. Məlum olduğu kimi, çoxmənzilli binaların ilkin sənədi müqavilə və maliyyə arayışı sayılır. Vətəndaş tikinti şirkətindən mənzil alarkən ona müqavilə və maliyyə arayışı təqdim edilir və o başqa sənəd tələb edə bilmir. Alqı-satqı prosesinin heç bir dövlət orqanında reyestri aparılmadığına görə, vətəndaş şirkətin verdiyi sənədlə qane olmaq məcburiyyətindədir. Çox vaxt müqavilədə qeyd olunan ümumi sahələr rəsmi çıxarışla üst-üstə düşmür. Müqavilə yolu ilə satılmış mənzillərə bir müddətdən sonra çıxarış alarkən orada daha az ümumi sahə qeyd olunur. Bu gün tikinti şirkətlərinin satdığı mənzillərdə sahənin hesablanması ilə bağlı çox ciddi problemlər var. Müqavilədə binanın inşası ilə bağlı müddətin göstərilməməsi və tikinti şirkətlərinin mənzil sahəsini özlərinə sərf edən formada hesablaması uzun illərdir ki, problem olaraq qalır”.
Bu da ümumi sahənin çıxarışda daha az kvadrat metr yazılmasına gətirib çıxarır:
Tikinti şirkətləri mənzili satarkən həmin sahəni qeyd etmədikləri halda yəqin ki, zərəri qarşılamaq üçün qiymətləri artırır. Amma qiymətlər artırılmalı olsa belə, gərək müqavilədə nə qeyd olunubsa, bu, çıxarışda da öz əksini tapsın. Bu problemlər vətəndaşın mülkiyyət hüququnu pozur. Bu da xeyli pul itkisinə səbəb olur. Əksər binalarda vəziyyət belədir. Təsadüfi tikinti şirkətləri var ki, müqavilədə hansı sahə yazılıbsa, onun pulunu alır. Qeyd edim ki, tikinti şirkətlərinin satış prosedurları ilə bağlı qanunlar tam tənzimlənmədiyinə görə bu cür hallar mütəmadi olaraq baş verir”.
“Problemlərin aradan qaldırılması, bununla bağlı standartın müəyyən olunması üçün müvafiq qanun hazırlanmalıdır: “Mənzilin sahəsinin yanlış hesablanması vətəndaşa qarşı haqsızlıqdır. Qanunvericilikdə nə nəzərdə tutulubsa, satış mexanizmi də o formada aparılmalıdır. Şirkət hansı sahələri sata bilərsə, həmin sahələr qeyd olunmalıdır ki, çıxarışda da o cür göstərilsin. Hesab edirəm ki, bu problemi yalnız bir yolla həll etmək olar. O da binaların satış mexanizmini tikinti şirkətlərindən almaqla. Əgər bu ixtiyar onların əlindən alınsa, vətəndaş da sözügedən problemlə üzləşməyəcək”.
“Bununla bağlı xeyli sayda məhkəmə presedenti mövcuddur. İstehlakçı sonradan çıxarış alarkən, müqavilədə göstərilən ölçülərlə çıxarışda göstərilən ölçülərin kifayət qədər fərqli olduğunu görür və bunun nəticəsində də məhkəməyə müraciət edir. Yeni tikililər əksər hallarda sığorta olunmur. Qeydiyyat sənədlərində problemlər olduğuna görə, tikinti şirkətləri vətəndaşlara alqı-satqını sadəcə qarşılıqlı müqavilələr əsasında verirlər. Bu müqavilələr də əksər hallarda notarial qaydada təsdiq olunmur. Sonradan müəyyən problemlər çıxır ortaya".
