Xankəndi-Gorus avtomobil yolunun Şuşa-Daşaltı yolayrıcında bağlanması ilə bağlı məlumatlar yayılıb.
Bu barədə sosial şəbəkələrdə məlumat paylaşılıb.
Bildirilib ki, Xankəndidən Ermənistana kilometrlərlə tıxac yaranıb.
Azərbaycan tərəfi Xankəndiyə gedən yolu bağlamayıb.
Bununla bağlı Milletinsesi.info-a etibarlı mənbələrdən məlumat verilib.
Bildirilib ki, bu gün Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin əməkdaşları Xankəndi ilə Şuşa arasındakı ərazidə Rusiya sülhməramlı qüvvələrinin nəzarət məntəqəsinə gediblər. Ancaq bu səfərin həmin yolun bağlanması ilə əlaqəsi yoxdur. Azərbaycan tərəfi yolu bağlamaq istəsəydi, orada mülki geyimli şəxslər yox, hərbçilər olardı.
Mənbə bildirib ki, yolu Azərbaycanın Qarabağ bölgəsində müvaqqəti yerləşdirilmiş Rusiya sülhməramlıları bağlayıblar.
Danışıqlar nəticəsində Azərbaycan Ekologiya və Təbii Sərvətlər Nazirliyi və “AzərGold” əməkdaşları sülhməramlıların müşayiəti ilə Xankəndiyə yollanıblar.
Bununla bağlı “Caliber” “Telegram” kanalı məlumat yayıb.
Sülhməramlıların müvəqqəti dislokasiya olunduğu Azərbaycanın Xankəndi şəhərindəki qərargahında ölkəmizin Qarabağ regionunda ekoloji monitorinqin təşkili və aparılması məsələsi müzakirə olunacaq.
Sülhməramlıların Xankəndidəki qərargahında apardığı danışıqlar Azərbaycan tərəfinin istədiyi nəticəni verib.
Bu barədə “Caliber” “Telegram” kanalı məlumat yayıb.
“Xankəndidəki Ekologiya və Təbii Sərvətlər Nazirliyi və “Azərgold”un mütəxəssisləri monitorinqin aparılması ilə bağlı növbəti təşkilati məsələləri həll edirlər. Danışıqlar zamanı, təbii olaraq, Laçın dəhlizində formalaşmış tıxac da aradan qalxıb”, - deyə qeyd olunub.
