Azərbaycan Respublikası Xarici İşlər Nazirliyi (XİN) Xocavəndin Edilli kəndində aşkarlanmış kütləvi məzarla bağlı tvitterdə paylaşım edib.
XİN-in paylaşımda 4000 azərbaycanlının hələ də itkin olduğu, bunu törədən ermənilərə isə heç bir qınaq olmadığı qeyd olunub.
“Xocavəndin əvvəllər işğal altında olan Edilli kəndində 12 nəfərin məftil və kəndirlə bağlanmış, həmçinin işgəncə əlamətləri aşkarlanan qalıqlarının olduğu daha bir kütləvi məzar tapılıb. Təxminən 4000 azərbaycanlı mülki şəxs və müharibə əsiri hələ də itkindir və bunu törədən ermənilərə qarşı heç bir qınaq yoxdur”, - deyə paylaşımda bildirilib.
