Azərbaycanda ana uşağına zorakılıq tətbiq edib.
Bu barədə “Təmiz Dünya” Qadınlara Yardım İctimai Birliyinin sədri Mehriban Zeynalova sosial şəbəkədə məlumat yayıb.
O bildirib ki, uşağın anası 13 yaşında qoşulub qaçıb bir oğlana, sonra gəlib 16 yaşında evlənib və 1 uşağı dünyaya gəlib.
“Övladı olandan sonra uşağı nənəyə baxması üçün qoyub. Nənə uşağı böyüdüb boya başa çatdırsa da, qızı hər dəfə uşağı götürərək zorakılıq tətbiq edib geri göndərib. Nənə bildirir ki uşağı sonuncu dəfə ondan götürərək aparıblar. Uşaq yolda avtomobildən düşərək qaçmaq istəyib ona şəkildə görünən işgəncələrə məruz qoyublar. Nənə Səbail Rayon İcra Hakimiyyətinin qəyyumluq şöbəsinə müraciət etsə də şikayətinin hələ də cavabsız qaldığını bildirir. Hazırda uşaq nənənin yanındadır və qorxur”.
Bundan başqa, anasının zorakılığa məruz qoyduğu azyaşlı sığınacağa yerləşdirilib. Bu barədə “Təmiz Dünya” Qadınlara Yardım İctimai Birliyinin sədri Mehriban Zeynalova məlumat yayıb.
“Polad balamız artıq sığınacaqdadır. Təəssüf ki, anasının psixoloji travmalarına görə zorakılıq görən Poladın imdadına qonşuları yetişiblər”, - deyə o bildirib.
