Amerikalı aktyor Riçard Çemberlen vəfat edib

"Qızıl Qlobus" mükafatı laureatı amerikalı aktyor Riçard Çemberlen 90 yaşında vəfat edib.

Oxu.Az xəbər verir ki, bu barədə "Variety" jurnalı məlumat verib.

Qeyd olunur ki, aktyor martın 29-da ürək tutmasından yaranan fəsadlar səbəbindən dünyasını dəyişib.

Aktyorun karyerası 1960-cı illərdə başlayıb. Çemberlen həyatı boyu televiziya seriallarındakı rollarına görə üç dəfə "Qızıl Qlobus" mükafatına layiq görülüb. O, "The Music Lovers" (1971), " The Three Musketeers" (1973), " King Solomon's Mines" (1985), "Shogun" (1980) və "The Thorn Birds" (1983) filmlərində rol alıb.