Bu ilin ilk 9 ayı ərzində Azərbaycanda taksidən 61 milyon 379,9 min sərnişin istifadə edib.
Yeniavaz.com açıqlanan rəsmi məlumatlara istinadən xəbər verir ki, taksidən istifadə edən sərnişinlərin sayı ötən ilin eyni dövrü ilə müqayisədə 3,1% azalıb.
Məlumat üçün qeyd edək ki, bu ilin sentyabr ayında Azərbaycanda taksi nəqliyyatı xidmətində bir gedişin orta qiyməti 6 manat 60 qəpik olub. Bu ilin yanvar ayı ilə müqayisədə taksi nəqliyyatı xidmətində bir gedişin orta qiyməti 17% və ya 96 qəpik artıb.
Məlumat üçün onu da bildirək ki, ötən ilin eyni dövründə taksi nəqliyyatı xidmətində bir gedişin orta qiyməti 5 manat 55 qəpik olub.
