Fransa prezidenti Emmanuel Makron nüvə silahı da daxil olmaqla Avropanın müdafiəsinin gələcəyi ilə bağlı müzakirələrə başlamağa çağırıb.
“Ölkə.az ” xəbər verir ki, bu barədə Fransanın BFMTV telekanalı məlumat yayıb.
“Mən nüvə silahlarının mövcudluğunun müzakirəsini ehtiva edən Avropanın müdafiəsi ilə bağlı müzakirənin açılmasının tərəfdarıyam. Gəlin görək bizi həqiqətən nə qoruyur”, - Makron bildirib.
Fransa lideri əlavə edib ki, ölkə öz spesifikliyini saxlayacaq, lakin Avropa torpaqlarının müdafiəsinə daha böyük töhfə verməyə hazırdır.
O vurğulayıb ki, Fransa doktrinası həyati maraqlara təhlükə yarandığı hallarda nüvə silahından istifadəyə icazə verir.
