Türkiyənin Mardin şəhərində baş verən ağır yol qəzasında ölənlərin sayı yenidən artıb.
Türkiyənin səhiyyə naziri Fahrettin Kocanın məlumatına görə qəzada ölənlərin sayı 19-a çatıb, yaralananların sayı 26 nəfərdir.
Nazir həmçinin altı nəfərin vəziyyətinin ağır olduğunu söyləyib.
22:49
Türkiyədə günün ikinci ağır qəzasında ölənlərin sayı 16-ya çatıb
Türkiyənin Mardin şəhərində baş verən ağır yol qəzasında ölənlərin sayı artıb.
Bu barədə səhiyyə naziri Fahrettin Koca məlumat verib. Türkiyəli nazir qeyd edib ki, son rəqəmlərə görə hadisə nəticəsində 16 nəfər ölüb, 29 nəfə yaralanıb.
21:30
Türkiyənin Mardin şəhərində əyləc sistemi sıradan çıxan yük maşını yol kənarında olan insan izdihamına çırpılıb.
Sosial şəbəkələrdə dəhşətli hadisənin görüntüləri yayılıb.
Avtomobilin sürətinin yüksək olması çoxsaylı insan faciəsinə səbəb olub.
İlkin məlumata görə, qəza nəticəsində səkkiz nəfər həyatını ititib, onlarla şəxs müxtəlif dərəcəli bədən xəsarətləri alıb.
Qeyd edək ki, bu gün Türkiyənin Qaziantep şəhərində ağır yol nəqliyyat hadisəsi yaşanıb.
İlkin məlumata görə, yüksək sürətlə hərəkətdə olan minik avtomobili idarəetmədən çıxıb və aşıb.
Daha sonra hadisə yerinə gələn təcili tibbi yardım və yanğınsöndürən maşın ərazidə hərəkət edən avtobusla toqquşub.
Hadisə nəticəsində azı 16 nəfərin öldüyü, 22 nəfərin isə yaralandığı bildirilib.
Mənbə: İHA
