“Ermənistan tərəfi məzar yerləri barədə məlumatları gizlədir”.
Bunu “Report”a Əsir və itkin düşmüş vətəndaşlarla əlaqədar Dövlət Komissiyası işçi qrupu rəhbərinin müavini Eldar Səmədov deyib.
Onun sözlərinə görə, uzun illər ərzində aparılan araşdırmalar nəticəsində Dövlət Komissiyasında kütləvi məzarlıqlarla bağlı məlumatlar var: “Onların bir çoxunda artıq qazıntı işləri aparılır. Ancaq proses çox çəkəcək. Bizə mane olan yeganə məqam ondan ibarətdir ki, Ermənistan tərəfi məzar yerləri barədə məlumatları gizlədir. İndiyədək azad edilən ərazilərdə 16 kütləvi məzarlıq müəyyən edilib”.
Onun sözlərinə görə, Prezident İlham Əliyevin tapşırığına əsasən, azad edilən ərazilərdə axtarış, ekshumasiya, qazıntı işləri aparılmaqdadır.
