Şəmkirdə xəstəxanadan oğurluq etməkdə şübhəli bilinən şəxslər saxlanılıblar.
Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, Şəmkir rayon Polis Şöbəsinin (RPŞ) əməkdaşları Şəmkir rayon Mərkəzi Xəstəxanasının binalarının birindən ümumi dəyəri 4 700 manat olan dam örtüklərini oğurlamaqda şübhəli bilinən rayon sakinləri Qəşəm Hacıyev və Yusif Yunusovu saxlayıblar.
Dindirilmə zamanı saxlanılan şəxslər törətdikləri cinayət əməlini etiraf edərək oğruladıqları dam örtüklərini satdıqlarını bildiriblər.
Faktla bağlı Şəmkir RPŞ-də cinayət işi başlanılıb, araşdırmalar davam etdirilir.
