ABŞ ukraynalıları saxlamaq və zorla Rusiyaya deportasiya etmək üçün qurulmuş ən azı 18 filtrasiya düşərgəsi aşkarlayıb.
Bunu ABŞ-ın ATƏT-dəki missiyasının rəhbərinin müavini Kortni Ostrien bildirib.
“Rusiya hakimiyyəti yəqin ki, bu ölkənin Ukrayna üzərində nəzarəti üçün təhlükə hesab edilən yerli sakinlərin, o cümlədən ukraynayönlü fikirlərə sahib olan rusiyalıların hamısının – siyasətçilərin, fəalların və digər rəsmilərinin siyahısını tərtib edib”, – deyə Ostrien qeyd edib.
O, düşərgələrin hələ Rusiyanın Ukraynaya təcavüzü başlamazdan əvvəl sərhədin hər iki tərəfində qurulduğunu diqqətə çatdırıb.
Mənbə: TRT
