Fransada iyulun 6-da dəmiryolçuların tətili səbəbindən qatarların hərəkəti iflic olub.
Bu barədə dəmiryol operatoru olan SNCF şirkətindən bildirilib.
Məlumata görə, yüksək sürətli ekspress qatarların demək olar ki, 80%-nin hərəkəti ləğv edilib. Xüsusilə Paris bölgəsində nəqliyyatın hərəkəti pozulub.
Nəqliyyat işçilərinin həmkarlar ittifaqı bir günlük tətil elan edib və qiymət artımı fonunda maaşların artırılmasını tələb edir. Birlik nümayəndələri və SNCF rəhbərliyi fikir ayrılıqlarını həll etmək üçün çərşənbə günü görüşəcək.
Fransa əhalisi və xarici turistlərə mümkün qədər səyahətdən imtina etmələri tövsiyə olunub.
Mənbə: İnterfaks
