İspaniya məhkəməsi "Roma"nın baş məşqçisi Joze Mourinyonun etirazını təmin edib.
Qol.az xəbər verir ki, bu barədə yerli mətbuat məlumat yayıb. İspaniya məhkəməsi 59 yaşlı mütəxəssisə 2018-ci ildə verilən 881 min 368 avroluq vergi cəzasının bir qismini ləğv edib. Belə ki, Mourinyo 571 min 73 avro ödəməkdən azad edilib.
Xatırladaq ki, Mourinyo ötən ildən "Roma"ya baş məşqçilik edir. O, karyerası ərzində "Çelsi", "İnter", "Mançester Yunayted", "Tottenhem", "Portu", "Real", "Benfika" kimi klubları da çalışdırıb.
