Həbsdən çıxdı, məhəlləsində öldürdülər - CİNAYƏT İŞİ + VİDEO

 02-06-2023

Həbsdən çıxan şəxs öz məhəlləsində qətlə yetirilib.

Uzun müddət həbsdə olan Rüfət İmanov (ad və soyad şərtidir) azadlığa çıxdıqdan sonra öz evinə gəlir.

Rüfətin ailəsi ondan çoxdan ayrılmış, özü isə övladları ilə bütün münasibətini kəsmişdi.

Azadlıqdə nə edəcəyini düşünən Rüfət bir müddət sonra qərar verir ki, qəsəbədə dolaşıb, tanıdığı birinə rast gəlsin. Küçəyə çıxarkən qəsəbə sakinləri Kənan və dostu ilə qarşılaşır. Onlar bir-birini tanımadıqları üçün salamlaşmırlar. Yad birini qəsəbədə görmək Kənana qəribə təsir bağışlayır.

Rüfət sonra uzun illər dostluq etdiyi Vüsalın mağazasına gəlir. Dostu onu həm işçisi, həm də birlikdə yaşadığı Şəbnəmlə tanış edir.

Onlar daha sonra kafelərdən birində görüşüb, birlikdə vaxt keçirirlər. Şəbnəm Rüfətin davranışlarından narahat olur, Vüsal isə ona bütün bunların zarafat olduğunu deyir.

Kafedən çıxarkən içkili olan Rüfət, Vüsal və Şəbnəm marketin qarşısında Kənanla rastlaşırlar. Kənan onlara qəsəbədə səmimi gəzmələrini irad tutur.

Aralarında yaranan mübahisə zamanı Rüfət belindən çıxardığı bıçaqla Kənan və dostunu qorxutmağa çalışsa da, Kənan üzərindəki bıçaqla Rüfətə ard-arda zərbələr endirir. O, aldığı zərbələrdən hadisə yerində həyatını itirir.

Daha ətraflı Baku TV-nin süjetində:

Bənzər yazılar

0.32729482650757