Müdafiə Nazirliyinin Hərbi-Texniki Təchizat Baş İdarəsinə rəis təyin olunub.
Yeniavaz.com xəbər verir ki, MN-nin saytında yer alan məlumata əsasən Aqil Qurbanov Prezident İlham Əliyevin 27.02.2023-cü ildə imzaladığı Sərəncamla müdafiə nazirinin hərbi-texniki təchizat üzrə müavini – Hərbi-Texniki Təchizat Baş İdarəsinə rəis təyin edilib.
Qeyd edək ki, Qurbanov Aqil Səlim oğlu 15 avqust 1986-cı ildə Bakı şəhərində anadan olub.
2004-2008-ci illərdə Prezident Yanında Dövlət İdarəçilik Akademiyasında bakalavr təhsili alıb.
2012-2014-cü illərdə London İqtisadiyyat və Siyasi Elmlər Məktəbində magistr təhsili alıb.
2015-2019-cu illərdə “PAŞA Holding” MMC-də investisiyalar üzrə direktor olub.
Daha sonra “Sumqayıt Texnologiyalar Parkı”nın Müşahidə Şurasının sədri vəzifəsində çalışıb.
09.12.2022-ci il tarixdən Azərbaycan Respublikasının Prezidenti İlham Əliyevin Sərəncamı ilə müdafiə nazirinin hərbi-texniki təchizat üzrə müavini vəzifəsinə təyin edilib.
Ailəlidir. İki övladı var.
