Türkiyənin milli müdafiə naziri Hulusi Akar bu gün Azərbaycana rəsmi səfər edəcək.
Bu barədə “Anadolu Agentliyi” məlumat yayıb.
“Türkiyə Silahlı Qüvvələrinin Baş Qərargah rəisinin müşayiəti ilə Türkiyənin milli müdafiə naziri Hulusi Akar Azərbaycana rəsmi səfər edəcək”, - məlumatda bildirilib.
Hulusi Akarı Türkiyə Silahlı Qüvvələrinin nümayəndələri də müşayiət edəcək.
Türkiyənin milli müdafiə naziri Hulusi Akarın Bakıda bir sıra görüşlər keçirəcəyi qeyd olunub.
