Sumqayıtda parklanma nəzarətçisi qadın sürücü tərəfindən döyülüb.
MillətinSəsi.info-nun məlumatına görə, hadisə Sumqayıtdakı “Karvan” ticarət mərkəzinin yanında baş verib.
Qadın sürücü naməlum səbəbdən avtomobildən düşərək ərazidə çalışan “parkovşik”i təpikləyib.
Hadisə anı ətrafda olanlar tərəfindən mobil telefonun kamerası vasitəsilə lentə alınıb.
Bundan başqa, Sumqayıtda qadının parkinq nəzarətçisinə hücum etməsini əks etdirən görüntülər geniş müzakirələrə səbəb olub.
MillətinSəsi.info "qafqazinfo"ya istinadla xəbər verir ki, hadisəni törədən qadının Sumqayıt şəhər sakini Günay Dayanova olduğu üzə çıxıb.
Bildirilib ki, ictimai yerdə insident törədən G.Dayanova Saray qəsəbəsində yerləşən 2 saylı orta məktəbdə laborant vəzifəsində çalışır. O, ailəlidir və iki uşaq anasıdır.
Qadın sürücünün hücumuna məruz qalan parklanma xidməti əməkdaşı ərazidə "İbiş" ləqəbi ilə tanınan İbrahim Cabbarovdur. Onun nitq qüsurlu olduğu bildirilib.
Qeyd edək ki, “Mitsubishi Outlander” markalı avtomobildən düşərək parkinq nəzarətçisinə hücum edən G.Dayanova inzibati məsuliyyətə cəlb edilib.
Sözügedən hadisənin görüntülərini təqdim edirik:
