"Mançester Siti" Cek Qrilişi icarəyə verib.
MilletinSesi.info xəbər verir ki, "şəhərlilər" ingiltərəli vingeri "Everton"a göndərib.
Bu barədə klubun mətbuat xidməti məlumat yayıb.
Qriliş 2025/2026 mövsümünü "mavilər"in heyətində keçirəcək. "Everton" 50 milyon funt-sterlinq ödəməklə 29 yaşlı oyunçunun transfer hüquqlarına yiyələnə bilər.
Qeyd edək ki, "Mançester Siti" Cek Qrilişi 2021-ci ilin yayında 117 milyon avroya "Aston Villa"dan transfer edib. İngiltərə millisinin üzvü ötən mövsüm Premyer Liqa təmsilçisinin heyətində meydana çıxdığı 32 rəsmi matçda 3 qol və 5 məhsuldar ötürmə ilə yadda qalıb.
(Bizim.Media)
