Tibo İnşeyp (InShape) adlı ilə məşhurlaşan fransız yutuber Tibo Delapart tanınmış azərbaycanlı xanəndə, Prezident təqaüdçüsü, bodibildinq üzrə peşəkar idmançı Pərviz Qasımovla bağlı yumoristik video hazırlayıb.
Ölkə.Az xəbər verir ki, yutuber əvvəlcə P.Qasımovun Azərbaycan efirində bir əlində qantellə mikrofona mahnı oxuduğu görüntüləri paylaşıb. Videonun davamında isə isə yutuberin bir əlində qantellə məşq etdiyi görünür.
T.İnşeyp videoya “o mənim qantelimi oğurlayıb” şərhini yazıb.
Yutuberin 3.5 milyon izləyicisi olan səhifəsində paylaşdığı video 99 min dəfədən çox baxılıb.
Qeyd edək ki, Tibo İnşeyp yutubda 23 milyondan çox abunəçisi və topladığı 16 milyard baxış sayı ilə ən məşhur fransızdilli yutuberdir. O, bodibildinq sahəsində ixtisaslaşıb, bu mövzuda maraqlı və yumoristik paylaşımlar edir.
Billurə
