Ağcaqanadlar tərəfindən yayılan danq qızdırması halları artmaqda davam edir.
Ölkə.az Sfera.az-a istinadən xəbər verir ki, bu barədə Türkiyə mətbuatı məlumat yayıb. Banqladeşdə son 24 saat ərzində danq qızdırması diaqnozu qoyulan 463 nəfər xəstəxanaya yerləşdirilib.
Bu il ümumi yoluxma sayının 15 min 670 nəfərə çatdığı bildirilib. Açıqlamada qeyd olunub ki, hazırda ölkə üzrə 1582 nəfər dang qripi xəstəliyindən müalicə olunur.
Qeyd edək ki, tropik və subtropik bölgələrdə baş verən danq qızdırması virusu insanlara ağcaqanadlar vasitəsilə ötürülür. İnkubasiya dövründən sonra, ümumiyyətlə yüngül hərarətə səbəb olan xəstəlik bəzi hallarda ölümlə nəticələnə bilər.
