Qarabağ Dirçəliş Fondunun “Power on” MMC (VÖEN – 2007638281) ilə satınalma müqaviləsi imzaladığı bildirilir.
Yeniavaz.com xəbər verir ki, “Power on” MMC Qarabağ Dirçəliş Fondunun sifarişi əsasında bu quruma royal musiqi aləti satacaq və qarşılığında 94 min 585 manat ödəyəcək.
Məlumat üçün bildirək ki, Qarabağ Dirçəliş Fondu tender müsabiqəsi keçirmədən “Power on” MMC ilə bir mənbədən satınalama metodu əsasında müqavilə imzalyıb. Eyni zamanda satınalma dövlət satınalmalarının vahid internet portalından kənar keçirilib.
Xatırladaq ki, “Dövlət satınalmaları haqqında” Qanunun 15.1 maddəsində göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir.
Onu da bildirək ki, Fonda royal satan “Power on” MMC ilə bağlı Dövlət Vergi Xidmətinin yenilənmiş “Kommersiya qurumlarının dövlət reyestri məlumatları”nda heç bir məlumat mövcud deyil. Bu şirkət barəsində açıq internet resurslarda da heç bir məlumat yoxdur.
Elnur Əli
