Bakıda məşhur gecə klubundan külli miqdarda oğurluq hadisəsi baş verib.
Qaynarinfo.az-ın məlumatına görə, hadisə Nəsimi rayonu, S.Vurğun küçəsində yerləşən Zabitlər parkındakı "XOXO" gecə klubunda baş verib.
Klubdan böyük monitor pultunun (500 manat), blenderin (600 avro), sok çəkən maşının (400 avro), DJ pultunun (6.000 dollar), dinakorun (3.000 manat), dəyərində sok sıxan aparatın (200 avro), "Alen&Heath" firmasından olan səs nizamlayıcı DJ aparatının (3.000 manat), kofe üyüdən aparatın (3.000 manat), "Dell" markalı kompüter monitorunun (100 manat), "HP” markalı notbukun (250 manat), 2 ədəd elektron kassa-menyu aparatının (5.000 manat), "Samsung" markalı kompüter monitorunun (50 manat), 3 ədəd aliminium qazanın (150 manat), 2 ədəd aliminium tavanın (60 manat), 10 ədəd boşqabın (50 manat), 10 ədəd qaşığın (20 manat), 15 ədəd çəngəlin (30 manat), tozsoranın (30 manat), 1000 metr uzunluğunda elektrik naqilləribnin (1000 manat) oğurlandığı məlum olub. O cümlədən "XOXO"nun Aqil adlı sahibinin notbuku da oğurlanıb.
Oğurluğun 2002-ci ildə Bakıda anadan olmuş Vüsal və 1973-cü ildə Bakıda dünyaya gələn Eldar adlı şəxs tərəfindən törədildiyi məlum olub. Vüsal və Eldar barəsində Cinayət Məcəlləsinin 177.2.1, 177.2.2, 177.2.3 və 177.2.4-cü maddələri ilə cinayət işi açılıb və iş məhkəməyə göndərilib.
Məhkəmənin qərarı ilə Vüsala 2 il 2 gün müddətinə azadlığın məhdudlaşdırılması cəzası təyin edilib. Eldar usı 2 il 6 ay müddətinə azadlıqdan məhrum edilib. Təqsirləndirilən şəxs cəzasını ümumi rejimli cəzaçəkmə müəssisəsində çəkəcək.
