Xalq artisti Ənvər Həsənovun səhhətində problemlər yaranıb.
Bu barədə Qaynarinfo-ya aktyorun özü məlumat verib. Aktyor özünü pis hiss etdiyini bildirib:
"Vəziyyətim çox pisdir. Ciyərim sıradan çıxır. Dünən müayinə üçün yenidən xəstəxanaya getmişdim. Ağrayıram. İnfarktdan sonra hələ özümə gəlməmişəm. Bu gün yenidən həkimə getməliyəm, saat 14:00-da analizlərimin cavabı çıxacaq. Görək nə deyəcəklər. Ona görə bayram-zad yazdıma düşmür".
Aktyor kino günü ilə bağlı həmkarlarını təbrik edib: "Bu gün kino günüdür, hamı kimi mənim də bayramımdır. Amma kinoda kim qalıb? Kinodakılar getdi... Bir-iki nəfər qaldıq... Əbdül, Rafiq, Fəxrəddin və s.".
Qeyd edək ki, bir müddət bundan öncə Xalq artisti Ənvər Həsənovun səhhətində problemlər yaranmışdı. Həkimlər aktyora infarkt diaqnozu qoymuşdu.
