Bəhruz Bəhramov Dövlət Neft Fondunun İcraçı direktorunun müavini təyin edilib

 13-06-2024

Azərbaycan Prezidenti İlham Əliyevin 12 iyun 2024-cü il tarixli 165 nömrəli Sərəncamı ilə Bəhruz Fərman oğlu Bəhramov Azərbaycan Respublikası Dövlət Neft Fondunun (ARDNF) İcraçı direktorunun müavini vəzifəsinə təyin edilib.

Bu barədə ARDNF-dən məlumat verilib.

B.Bəhrəmovun dosyesini təqdim edirik.

8 aprel 1982-ci ildə anadan olub.

1999-2003-cü illərdə Azərbaycan Dövlət İqtisad Universitetində İqtisadiyyat fakültəsində təhsil alıb.

2003-2005-ci illərdə Fransanın Nitsa-Sofiya Antipolis Universitetində maliyyə üzrə bakalvr təhsili , 2005-2006-cı illərdə isə həmin universitetdə maliyyə üzrə magistr dərəcəsi alıb.

İngilis, rus, türk və fransız dillərini bilir.

Evlidir, bir övladı var.

2006-2014-cü illərdə Dövlət Neft Fondunun İnvestisiya və Risklərin idarə edilməsi departamentlərində treyder, baş risk təhliliçisi, baş treyder, portfel meneceri vəzifələrində çalışıb.

2014-2016-cı illərdə Fondun Risklərin idarə edilməsi departamentinin direktor müavini, 2016-2020-ci il 1 sentyabr tarixinədək həmin departamentin direktoru vəzifəsində işləyib.

ARDNF-da icraçı direktorun müavini vəzifəsinə təyinat alanadək isə B.Bəhramov icraçı direktorunun müşaviri vəzifəsində çalışıb.

Bənzər yazılar

0.1602840423584