Niderlandın “Ayaks” klubunun braziliyalı hücumçusu Antoni Mateus dus Santus karyerasını İngiltərədə davam etdirəcək.
Bu barədə öz “Twitter”ində jurnalist Nikolo Şkira məlumat yayıb.
22 yaşlı futbolçu “Mançester Yunayted”lə beş illik müqaviləyə imza atıb.
“Qırmızı şeytanlar” istedadlı hücumçu üçün “Ayaks”a 90 milyon avro ödəyəcək.
Qeyd edək ki, Antoni 2020-ci ildə Braziliyanın “San Paulu” klubundan “Ayaks”a keçib. Antoni Braziliya millisinin heyətində Tokioda keçirilən 2020 Yay Olimpiya Oyunlarının qızıl medalını qazanıb.
