Fransa Silahlı Qüvvələri Estoniyada gözlənilməz hərbi təlim keçirərək, Rusiyaya qonşu olan ölkəyə 100-dən çox desantçı endirib.
Bu barədə Fransa Müdafiə Nazirliyi məlumat yayıb.
Nazirlikdən bildirilib ki, çərşənbə axşamı keçirilən hava-desant əməliyyatı çox qısa müddətdə Fransanın 11-ci hava desant briqadasının 100-ə yaxın desantçısını Estoniya əsgərlərinin mühafizə etdiyi əraziyə endirməyə imkan verib.
Departament əlavə edib ki, Estoniyada tələsik təşkil edilən təlimlər Rusiyanın Ukraynadakı müharibəsi fonunda “strateji həmrəylik” aktı kimi həyata keçirilib.
“Hava-desant əməliyyatı Fransa Silahlı Qüvvələrinin fövqəladə vəziyyətlərə müdaxilə etmək və müttəfiq ölkəyə dəstək vermək qabiliyyətini nümayiş etdirir”, - deyə Fransa Müdafiə Nazirliyinin bəyanatında deyilir.
Mənbə: Yevropeyskaya pravda
