Azərbaycan hökumətinin Kəlbəcər və Zəngilandakı qızıl yataqlarına dair yeni öhdəlikləri təsdiqlənib.
Bununla bağlı Baş nazir Əli Əsədov qərar imzalayıb.
Qərara əsasən “Gədəbəy, Qoşa, Ordubad qrupu (Piyazbaşı, Ağyurd, Şəkərdərə, Kələki) Söyüdlü, Qızılbulaq və Vejnəli perspektiv qızıl filiz yataqlarının kəşfiyyatı, işlənməsi və hasilatın pay bölgüsü haqqında sazişə uyğun olaraq Azərbaycan hökumətinin təminatı və öhdəlikləri təsdiq edilib.
Hökumətin təminat və öhdəliklərlə bağlı Nazirlər Kabinetinin 1998-ci il 23 yanvar tarixli qərarı ləğv olunub.
