İran ABŞ-ın aviadaşıyıcı gəmilərini sıradan çıxarıb batırmağa qadirdir.
Bunu Təhlükəsizlik Siyasəti Mərkəzinin analitiki və İsrailin Reyxman Universitetinin keçmiş tədqiqatçısı Maya Karlin “1945” resursunda dərc edilən məqaləsində bildirib.
“SEPAH arsenalını genişləndirmək və təkmilləşdirmək məqsədilə son illər səylərini gücləndirib. Hazırda İranın artan imkanları onun rəqibləri, o cümlədən Amerika üçün daha böyük təhlükə yaradır”, - deyə Karlin qeyd edib.
Onun sözlərinə görə, İran Hərbi Dəniz Qüvvələrinin sualtı qayıqları təyyarədaşıyan gəminin strukturuna ciddi ziyan vura biləcək torpedalar ilə təchiz olunub. Bundan əlavə, İran daha uzun mənzilli ballistik raketlər hazırlaya bilib və yaxın gələcəkdə ABŞ-dakı hədəflərini vurmağa qadir olacaq.
“ABŞ-ın müdafiə imkanları hər cəhətdən daha yaxşı olsa da, İranın ABŞ Hərbi Dəniz Qüvvələrinin təyyarədaşıyan gəmisini uğurla məhv etməsi ehtimalı istisna edilmir”, - deyə Karlin yekunlaşdırıb.
Mənbə: 19fortyfive.com
